هى فعلا كلمه صعبه اوى كده ؟؟؟

انا بس كنت عايزه اعرف هى كلمه بحبك هى فعلا صعبه ع الانسان انه يقولها للى بيحبه ولا لا
وهى صعبه ع الولاد اكتر ما هى صعبه ع البنات ولا لا
مع انك ممكن تكون شايف انسان بيضيع منك وانت مش قادر حتى تقولهالوا علشان ما يضيعش منك
يعنى لو انت بتحب واحده هتروح تقولها ولا تسيبها لحد ما تضيع منك عشان مش عايز تقولها
مع بالنسبه للولاد مش بتكون صعبه عليهم اد ما هى بتكون صعبه ع البنات
لان لو الولد راح وقال لبنت انه بيحبها وهى مش بتحبه هو ممكن يحببها فيه بس بطريقته وهيفضل يحاول معاها كتير عشان تحس بيه واكيد فى الاخر هتحس بيه
لكن لو بنت بتحب واحد مش ينفع طبعا انها تروح وتقوله لانها صعبه اوى انها تيجى من البنت لانه لو هى راحت وقالتله وهو مش بيحبها هتوجعها اوى وهتتجرح وغير كده انها هتكون كرامتها اتهانت
انا بس عايزه اسال سؤال للشباب
لو انت بتحب واحده وشايف انها بضيع منك مع انك لو حتى بس قولتلها كلمه بحبك ممكن ماتضيعش منك
هتعمل ايه هتسيبها تضيع منك ولا تروح وتقولها
ولا هتقول لا كرامتى اهم ؟؟؟؟
وسؤال تانى بقى
هى كلمه بحبك بتكون اصعب ع البت ولا ع الولد انه يقولها ؟؟
بجد انا عايزه اعرف ارائكم